全城盡興﹐菜氏三丁

返左香江10日﹐最感人嘅係去左宣教培靈會。而最好玩嘅就緊係尋日嘅菜氏一日遊啦。

人物 : 菜頭﹐菜嫂 (終於見到菜嫂哪)﹐菜花

地點 : 加州回家 ---> 回家 ---> 再回家

時間 : 話左一日遊﹐緊係玩足一日啦

行程 : 奧運嘅火把就喺奧運燃起﹐經過莊嚴嘅匯合豐收﹐長長嘅跑道﹐終於到達加州。一個蘊含豐富陽光精華嘅地方。一去到就聽到回家嘅呼聲。我以為自己聽錯﹐但原來真係播緊"回家"。重見到"萬世頌sing﹐基督教歌曲卡拉 OK 大賽"。點歌時甚至見到有 "神!您在掌管"﹐"沒有您﹐那有我" 等等名曲。嘩﹐估唔到基督喺加州會咁紅。如果廢城都如此﹐唔知詩班會唔會考累去 K 房練詩? 取其音響設備齊全。不過其實真係有種怪怪嘅感覺。
嘩﹐實在大開眼界。有午飯供應﹐茶﹐水﹐湯﹐各款果汁任飲﹐唱足兩個鐘都只係 HK$40。真係去大家樂食一餐都差唔多呢個價。現場實錄遲啲會喺菜瀾嘅你管道出現架哪。
喺加州出嚟跟住就回大佬嘅家。tennis, bowling, baseball, cooking mama...... 沖廁, upload, 講廢話。。。咁又個幾鐘。大佬家﹐麻雀雖小﹐音響俱全。居然重有 designers chair。完全就係菜頭嘅 style。不過小心﹐大佬隨時轉 style 架。
跟住就回主嘅家。哈哈哈﹐沙浸啲宣傳短片如果放上你管道﹐一定會一日有六萬人次瀏覽。連叮噹﹐神雕俠侶都出埋。真係令人印像深刻。播一次嘅效果好過出嚟宣報五﹐六次。但係咁有創意嘅宣傳短片﹐喺 CCC&C 可能未必出得街。
崇拜完﹐食晚飯。當然又係發人心醒嘅廢話連篇。有笑有淚。唔係﹐應該話﹐有血有肉﹐有笑﹐有苦笑。最後行下街﹐執下餅。然後就各自回家。結朿美滿嘅一日。

總結 : 基本上成日就係回家。

玩後感 : 正!