窗外

喺我嘅房中﹐從靈修時坐嘅位置外望。亦係我醒時第一眼所見嘅景物。陰陰天。



另一角度﹐對面係康怡花園。

窗外﹐唔再係同一片天空。
令我諗起十三年前﹐初到美國﹐當時先到加州。二姐接機﹐喺途中倦極入睡。醒時剛好仰首望天。當時腦中一片瞇茫﹐一時分唔清到底身在何方。到稍稍清醒記起自己身在美國﹐一種奇怪嘅感覺頓生。只係大半日嘅航程﹐窗外嘅一片天已經唔再係喺香港所見嘅。當時嘅感覺非常清晰。
十三年後﹐突然又有相同嘅感覺。