飄香

星期日﹐同一班新相識嘅弟兄姊妹去打機睇戲。Transformers﹐唔錯架。連我唔係 transformers fans 都覺不俗。但係一定要去戲院睇。話說回來﹐睇戲前去飲茶。席間﹐眾人講起泰國之旅。某姊妹嘅丈夫爆左佢太太喺泰國買左一整行李箱劉德華。嗄?! 喺泰國買劉德華嘅嘢? 有夫之婦重咁瘋狂?當其他人附和之時先知原來佢哋講緊榴的華。
亞花其實都係榴槤愛好者。襯家父上大陸之際買左兩大包新鮮金枕頭 (如果家父在家﹐一定連雪櫃都唔敢開)。但係就只限於以榴槤作生果。至於榴槤乾﹐榴槤夾心餅﹐榴槤糖﹐榴槤雪糕﹐榴槤月餅﹐榴槤燸米糍等等等等﹐恕難同各位臭味相投哪。