Airplane!

Manager 放假一星期。我已完成手頭工作﹐已預告嘅新工程細節又未下達。於是樂得跟住放假。正好襯勢繼續整理 portfolio 並繼續收拾 (天﹐我簡直無法相信家中居然有咁多雜物﹐我同二姐一路執﹐一路大嘆不可思議)。盡量喺家母返嚟前 (佢下星期會返嚟小住兩個月) 整理出一個輪廓。然後要買新傢俱替換太舊嘅傢俱。部份傢俱因為尺寸關係﹐需要訂造。又要騰出時間設計同畫圖樣。加上日常家務﹐所以都絕對無等閒。
以上內容同題目又有嘜相關? 事關各樣雜務之餘﹐唔知點解我重有好多時間上網睇電影。呢兩日心血來潮﹐盡喺度揾啲 70s, 80s 嘅片。俾我發現呢齣大概係我兒時睇過最無聊但又幾好笑嘅美國電影 (喺 AFI 嘅 100 years...100 laughs 中排名第十)。1980 年嘅製作。一齣美國笑片﹐卻充滿周星馳式嘅無里頭﹐實屬少見。