食在香港

呢個題目由我嚟寫﹐簡直超級菜門弄斧﹐但係又好想講講。
本身對食無嘜特別要求。放得落口嘅嘢﹐我大概都無嘜邊樣唔食 (唔鐘意食另計)。如果唔係過份好味或過份難食﹐我實在真係食唔出分別。翻到香港﹐大家以為我誓必食盡東西九龍。但事實係我大部份時間都喺屋企食。就算出街﹐如果唔係同友人﹐我都係食嗄大家樂﹐吉之島或太古食坊。當大家大嘆認真徙晒時﹐我諗或者都可能因為我知道來日方長﹐唔洗急。
不過其實翻到香港﹐有好多嘢我都想食架。例如咖哩魚蛋﹐墨魚串﹐咖哩牛肉串﹐雞蛋兒子﹐釀豆腐﹐釀青椒﹐煎腸粉﹐芒果粒粒蘆薈爽﹐金枕頭﹐山竹﹐文輝嘅墨丸紫菜湯米同炸魚皮﹐等等等等。其中部份已食過。但當中有一啲已經無我想像中咁好味。連我對食無嘜要求嘅人都覺得失望。係唔係我岩岩食著間做得唔好架呢? 又或者大概好似微形蕃茄所講﹐記憶中嘅事物往往比實際美好。