纖腰

發起神經就會諗要努力運動﹐回復少女時期嘅纖腰。雖然之前成日同積積兩個嘢猛講 23 寸腰﹐但我著實不復記憶少女時期腰圍幾寸。直至今日。。。。
仍然收拾中。家母無哪哪喺唔知邊個櫃頂攞左一袋我十六﹐七﹐八歲時著嘅裙出嚟﹐叫我睇睇重要唔要﹐唔要攞去捐。攞起一條﹐第一個反應係﹐嘩﹐重邊著得落呀? (攪笑﹐重有條自己車嘅裙。先記起以前會自己車衫俾自己著。依家﹐買衫都厭浪費時間) 一路睇﹐一路覺得唔對勁﹐好似唔係好岩比例。終於忍唔住攞把軟尺出嚟度度。嘩﹐裙頭 22 寸﹐即係話當年腰圍應該喺 21 寸半至 22 寸中間。天﹐回復少女時期嘅纖腰﹐算罷啦。