前度

同前度男友弟兄 T 傾開計。佢周遊列國後又翻到俄立崗州讀神學。前一陣喜聞佢同我哋教會嘅恩師 (當年幫我哋好多忙) 嘅大女一齊。我哋講開好多俄記人與事﹐講開邊個同邊個結婚哪﹐邊個又生左哪。講開佢同姊妹 C 大概幾時結婚。我問佢請唔請我。於是又講開參加前度嘅婚禮會唔會覺得怪。著實我同前度們嘅關係都唔差﹐應該 OK 啦。問佢有無參加過前度婚禮。佢話唔想嚇我﹐但事實上佢眾多前度﹐未有一個結得成婚﹐亦未有好姻緣。唔知係唔係同佢拍過拖嘅都變成詛咒。笑言將來佢結婚﹐開一枱專俾佢所有前度﹐我哋應該有好多共同壞話可講。哈哈哈。我話我剛好相反﹐我嘅前度們到目前為止﹐個個娶妻生子﹐又或良緣正滿﹐無一例外。嘻﹐睇嗄﹐我至少造福人群。大概如果我解咒﹐結得成婚﹐要請佢哋唔易﹐事關攜眷帶幼﹐但係每家只俾一份禮﹐我會蝕本。