Payscale

因為要諗點寫我嘅 resume﹐所要順便 check check 香港建築師平均年薪﹐以便叫價。發現 Payscale 呢個網頁。可以輸入自身資料﹐然後會幫我計算出 "身價"。都差唔多啦﹐舊公司都無太待薄我。原本以為香港人工偏低﹐但發現原來香港建築師平均年薪同美國完全一樣。不過香港稅率低近一倍﹐而且生活指數低。
近日忽發奇想﹐發覺教琴應該非常不俗。試想想香港人崇尚資優教育﹐一窩蜂推其子女學呢樣學個樣。其中以樂器為首﹐因此學琴費比我當年脹價一倍有多。比方一位琴老師﹐每小時收 $450 (一般為 $400 - $500)﹐算有 30 個學生﹐每月教四個星期﹐凡有五星期嘅月份第五個星期都休息 (我以前嘅琴老師就係咁哪)。所以每星期工作 30 小時﹐每月收入五萬四。 經驗豐富而收費高﹐學生又多嘅話﹐隨時月入八萬﹐但都只需工作 40 小時。
可恨我無音樂天份。
但回心想﹐其實我真係好鐘意做設計。著實我始終認為做自己鐘意嘅工作﹐做得開心最緊要。為此﹐要再次感恩。