講真話無人信

大佬講真話無人信就話啫﹐我一日內連講三個真話都無人信。唔通姓菜嘅誠信真係咁差?

個案一
教練J (全場最受小朋友歡迎嘅教練): 阿女﹐阿女。。。
花 (聽到然後諗) : 無理由係叫我架。我又唔係好識佢。應該係叫佢啲豆丁學生。
教練J : 阿女﹐阿女。。。
花 (終於忍唔住轉身) : 你叫我呀?
教練J : 係呀。點解今日唔見你上堂嘅?
花 : 我教練改左時間呀。你點解叫我做阿女嘅? 唔識反應添。
教練J : 你細過我咪叫你阿女囉。
花 (心裡陰陰笑三聲): 我大你好多架。
教練J : 無理由。你大定係你教練大?
花 : 緊係我。
教練J : 唔信。你有無三字頭呀?
花 : 有呀。(我幾時變得咁誠實架?)
教練J : 唔信。
花無奈。唯有轉話題。

個案二
一個我唔識嘅小朋友 : 你可唔可以轉十個圈俾我睇呀?
花 : 我轉唔到咁多個圈喎。
唔識嘅小朋友 : 你呃鬼呀? (嘩﹐嘜依架啲小朋友講嘢咁豪氣嘅?)
唔識嘅小朋友繼續 :咁你可唔可以做晒咁多種急停嘅方法俾我睇呀?
花 : 我只係識一種架咋。(註 : 正規嘅急停方法有三種。非正規嘅有十多種)
唔識嘅小朋友 : 又呃人。講嘢無句真。
花 (內心戲) : 哈哈哈。小朋友﹐我好似唔識你架喎。唔通小朋友睇得警訊多?路家敏姐姐話唔好隨便相信陌生人?

個案三
七歲嘅小階階 : 花姐姐﹐我家姐話你係威哥哥嘅女朋友呀。
花 (差啲噴飯﹐好彩晏晝係食包唔係食飯) : 小朋友唔可以亂講嘢。花姐姐同威哥哥只係好朋友。
七歲嘅孖生家姐小愉愉 : 細佬話你同威哥哥只係好朋友喎。都唔知信唔信好。但係我都係認為威哥哥係你男朋友。(小愉愉一定係浩康哥哥嘅粉絲。一於先入為主到底。)

不過相比大佬嘅經典講真話無人信﹐真係小毛而已。

菜 說 :
gong bay yan g , or hai may kok ar

菜 說 :
mo yan shun or

菜 說 :
siu say

花 說 :
人哋就話玩驚喜﹐唔話俾人知﹐無哪哪出現。你就講埋俾人知﹐都無人 so 你。當你發一瘋

花 說:
大家話你返美國﹐神神秘秘﹐唔通知聲。但其實係你通知左﹐但係無人信

菜 說:
hahahhaha

菜 說:
jan ar