awesome deeb

近日"我"頻頻發放病毒。又頻頻收到病毒。上上個月﹐無哪哪收到 Windows Live ID 電郵要我 confirm 個新 password。我都無轉過 password, 好明顯係有黑客想套我個密碼﹐立時 delete。然後上個月﹐唔知月中定月尾﹐IM 成日無哪哪話我喺另一臺電腦上網。因為以前試過但無事發生﹐所以以為 IM 傻左。你知 IM 有時同我一樣傻傻哋﹐但無大礙。不過自從各路人馬紛紛喺我 offline 時 IM 我問嘜野嚟架? 個問題又無頭無尾﹐先發現原來我個 IM 中左病毒﹐會喺我 offline 時寄啲 http://deeb_.awes0me.info, 又或者 http://deeb_.myfriends.info 又或者 http://deeb_photos.info 諸如此類扮我嘅 link。大家如果收到﹐請立即刪除。根據啲 link 嘅名﹐好明顯該名黑客係唔識我嘅 (但好可能佢識得大佬菜 awesome choi)。如果黑客識我﹐一定會做戲做全套﹐扮我扮到足﹐改一啲類似 http://deeb_tinhadaiyatmeiyan.info 又或者 http://deeb_gingtinjutsaidaimeiyan.info 嘅名。就可能會呃到人。
不過我依家改左密碼﹐遲啲叫我姐夫幫忙清清部電腦﹐希望會無事啦。