主懷安息

今日出席彼得爸爸嘅安息禮拜。見到西門同撒拉﹐一號公路大聲王同伉儷﹐奇雲﹐魚目﹐當然重有彼得李一家。
李爸爸已息勞歸主﹐願神安慰彼得及其家人。
禮成後﹐大家寒喧一翻。乍見如此多豐收人﹐錯覺自己返左美國。當大家彼此互問何時返美時﹐魚目講笑咁問我: "咁你呢?" 我答下星期三。點知真係有人信以為真。當真﹐我幾時返美? 雖然我重會時不時掛住美國﹐但我大概已經唔想翻去嚕。