夢中的婚禮

唔係呀理查首歌﹐而係尋晚夢見板同忌廉嘅婚禮一部份。話說兩位將註冊部份移施香港。根據夢裡嘅國際婚姻法﹐結婚證書須要有五位與新人無血緣關系嘅人士 co-sign。於是兩位搵左我同另外四人。當時一對新人由一位女子引領進場﹐而場地則為香港國際機場五樓接機大堂。喺近出口位擺左張檯。陪同新人嘅女子唔知係邊個﹐只知佢話其中一位 co-sign 人士﹐叫 David﹐會遲到。喺夢中﹐David 係忌廉嘅友人。後來主席到場﹐與眾人握手。當時我想企起身握手﹐以示禮貌﹐點知因為張凳拉得太貼張檯﹐我個身卡住喺中間﹐企唔到起身。跟住就醒左哪。喺半夢半醒之際﹐重喺度諗﹐如果我旅行結婚﹐喺當地人生路不熟﹐邊度揾五個人同我合簽婚書? 唔知可唔可以求其入 "些粉" 拉個人去簽呢? 正思索間﹐就全醒哪。