人類始祖

尋日﹐見好姊妹手執黃菊一朿。人比黃花瘦﹐真係令人有我見猶憐之情。除此之外﹐又令我諗起呢個故事。講過 好幾次哪﹐但係都好想再講。。。
某人睇聖經得知原來所有人類都源於同一個始祖﹐佢好想揾翻到底邊個民族係人類始祖。首先佢去問一個日本人。
日本人話 : 緊係唔係我哋啦。我哋最聽上頭話。上頭叫我哋去東﹐我哋一定唔敢去西。上頭叫我哋唔准食禁果﹐我哋一定唔會食。所以人類始祖一定唔係我哋。
某人於是去問一個法國人。
法國人話 : 緊係唔係我哋啦。我哋係一個崇尚美嘅民族。如果有一棵禁果樹係前面﹐我哋會將佢畫低或遠遠欣賞﹐一定唔會食佢。所以人類始祖一定唔係我哋。
某人於是去問一個中國人。
中國人話 : 緊係唔係我哋啦。如果有一個禁果同一條蛇係前面﹐我哋緊係唔會食禁果啦﹐緊係食條蛇丫嘛。
菊花蛇羹。正!