Everything Acoustic

為期一日半嘅RPG建築隔音講座經已完滿結朿。我只能用一個"正"字黎形容。
雖然無好似上次係加州嘅 Lighting One 講座 咁包羅萬有; 四日三夜﹐食住第一流﹐出入有 limousine 接送﹐包機票﹐重有得坐熱空氣氣球﹐同到各大酒廠試酒。今次雖然食住中等﹐但勝在講座本身精彩絕倫。連續九個鐘直落中間得半個鐘午膳嘅講座完結後﹐重想叫佢加開一場﹐因為實在資料豐富﹐令人拍案叫絕。學會左好多建築聲控上嘅新知識﹐亦因此得知原來我哋教會禮堂嘅設計犯左至少5-6項隔音上嘅大忌。
全程除左講座本身精彩之外﹐最有趣莫過於同其他建築師﹐聲控工程師﹐顧問等交流一下。而星期四晚嘅晚膳﹐我剛好坐係一個由澳洲黎美國工作嘅聲控顧問隔離。知道我係香港人之後﹐佢好開心咁話鍾意香港﹐因為佢曾經受聘駐香江兩個月作隔音設計。我正納悶﹐係邊個工程咁勞師動眾﹐專程由美國請顧問? 不過謎底好快解開; 原來係財雄勢厚嘅 TVB. 當時我唔知原來1119係無記臺慶﹐到返黎之後﹐見兩大臺都報導臺慶消息先知。若不然﹐恐防我會對澳裔顧問來一番口水花噴噴﹐大談無記臺慶﹐亦未可知。