We're in big trouble

今個禮拜﹐好明顯全公司處於假前假後懶散症當中。連我其中一個以 We're in big trouble 為口頭嬋嘅超緊張頂頭上司都露出傭懶之態。平日嘅佢全身肌肉崩緊﹐無論大鑊小鑊﹐一到佢身上總脫口而出一句 We're in big trouble. 屢試不爽。令身邊嘅人都不其然緊張得人仰馬翻。
今早蹟近無事可做之際﹐收到一通電郵。原來其中一個正在全速前進興建中嘅工程遇到問題。今回我都差啲脫口講句 We're in big trouble. 事緣呢個係一日都唔能夠擔誤嘅工程﹐而廠商竟將部份要運到費城嘅建材錯運到百慕達去。可能實在太好笑﹐所以忍唔住問左句 係唔係百慕達三角洲海底嘅神秘力量將金屬建材吸走。而緊張大師居然一反常態﹐當我多口笑問公司可唔可以派我出差弗羅里達州海岸﹐將建材引導返黎嘅時候﹐佢笑笑口咁話﹐係都唔輪到你﹐緊係我去啦。