發燒

唔怪得感覺怪怪哋﹐原來發緊燒。好彩只係101度低燒﹐相信好快就退。不過都請各位代禱。因為今個星期教會培靈會又係我領詩﹐負責星期五個堂。哈哈﹐連續三個星期都見到呢舊紅豆砵仔糕﹐希望大家唔會滯。不過我都只係神嘅器皿﹐最緊要大家對神永遠都唔會滯。最慘星期日嘅獻詩我會有一段"騷嘮"﹐但係依家我個喉朧都就快咳損。不過可能因為咁救回各位耳朵一命。不過點都好﹐希望大家唔會錯過專誠由加國嚟嘅麥希真牧師嘅講道。教會多年嚟一度嘅培靈會﹐真係令我好興奮。求神大大使用麥牧師。