"回家特輯"之第一夜

返到香港嘅第一晚就要喺機場過夜。其實真係唔係幾舒服。皆因坐左19個鐘頭機﹐連候機通共24個鐘。雙腿已經開始痺痺哋﹐而且凝住自己個身開始發臭。不過終於可以去上海嘅興奮蓋過不適。多謝細心嘅二姐﹐幫我買左上海旅遊全攻略加上海地圖﹐又有零嘴小食。於是喺寬敞嘅離境大堂進行我餘下7小時嘅全攻略準備。
夜闌人靜﹐全機場進入睡眠狀態。開始時有幾個外省人喺我附近傾計。因為我全面投入攻略狀態﹐無為意。但係意識裡佢哋喺度移位﹐啲聲越多越近﹐然後發現有班約7-8人嘅外省男子坐左係我前後左右﹐無形中將我凼凼圍住。自問國語了得﹐但係當我嘗試聽下佢哋講嘜再決定行動時﹐發現佢哋嘅國語我一句都聽唔明。偌大嘅機場雖然燈光火著﹐但我都係有啲怕。於是決定走為上著。去洗手間兜一圈﹐發現警崗原來唔太遠﹐於是選個相應近住警崗﹐又遠離個班人嘅地方再鉋我嘅書。零晨5點﹐終於不支﹐又見開始有人出現﹐於是小睡一粒鐘。7點﹐check-in. 過左我人生第一個機場之夜。
奉勸各位﹐如果要喺機場過夜﹐千祈要帶多件衫。因為當機場人少時﹐係好凍架。