怨婦俱樂部

尋晚大提琴老師問我有無興趣參加民間嘅私人管弦樂團。我心諗﹐又無時間﹐又無能力﹐真係諗都唔敢諗。但係佢話佢個朋友參加緊一個叫 doctor's orchestra. 因為常缺 strings players, 所以唔係醫生都唔駒。電光火石間﹐我諗嘅竟然係﹐"移咦﹐咁我咪可以襯勢識下啲玩音樂嘅氣質型醫生?" 真係差在無奸笑兩聲。突然乍覺自己失態﹐於是同老師講我都想有咁嘅機會切磋一下音樂。嘩﹐忍唔住喺心裡鬧自己一句虛偽。
不過咪話﹐身為怨婦俱樂部一員嘅我﹐咁嘅反應都情有可原。同蘇蘇講起近日身邊一個接一個結婚﹐之但係 GF 同 EF 卻有唔少高質素姊妹們獨守空閨﹐而哩個已經係長時期嘅話題。唔通真係好似蘇蘇咁講﹐要買定姑婆屋? 係買就唔爭在一齊買﹐或者可以買6送1﹐兼打個八五折都未定。不過始終相信神有安排。希望喺各姊妹年華老去前﹐怨婦俱樂部嘅會員都唔再符合基本會藉條件啦。