六旗之旅

因春令會而有感而發嘅六旗之旅﹐終於喺上星期六成行。雖然幾位 blog 主均遇上無癮之事﹐如 BL 被人偷嘢﹐DJ 被人抄牌﹐而我則中暑﹐但大至上都係一個愉快之旅。我哋團契一行19人﹐先到六旗嘅野生動物園﹐再兵分三路遊歷六旗之"巨大冒險"。發現自己真係韶華已逝﹐好多以前覺得刺激﹐玩完重要再玩嘅機動遊戲﹐今次都唔想玩。就連最低難度如俯衝入水嘅機動遊戲所帶嚟嘅離心力﹐我都差啲承受唔起。可能係中暑不適嘅關係﹐但同時都唔能夠唔承認年輕不再。又或者我同六旗無緣。因為對上一次8年前嘅六旗之旅﹐又係因身體不適﹐完全無玩。反之近年幾次喺其他唔同嘅 amusement parks﹐我都玩得非常盡興。 唔知下次再玩機動遊戲會係幾時。希望唔會好似今次咁力不從心。