SPF 130

同靚靚講開六旗之旅嘅防晒措施﹐有感可能有姊妹(甚或弟兄)會對高防晒度太陽油有興趣﹐所以喺度推介下早前於香港因避雨而喺萬寧偶遇嘅 SunPlay SPF 130 太陽油。由曼秀雷敦藥廠出品。乍見之下﹐重以為自己睇錯﹐到睇清楚後只能讚嘆東方人對美白嘅瘋狂。當然瘋狂想美白嘅我點都要買嚟做下實地考察。雖然知道其實太陽油喺超過某一防晒度後基本上效果都差唔多﹐但我鍾意佢嘅原因唔單係防晒度高﹐而係佢嘅質感。因為 SunPlay 太陽油係水狀而唔係膏狀﹐所以搽上面後﹐依然能保持面部清爽。加之佢有輕微嘅白色素成分﹐所以搽上後﹐面部觀感上比較潔白。此產品喺各大萬寧同屈臣氏有售。