有煙無花

今晚證實左﹐喺我屋企係睇唔到煙花嘅。雖然哩兩晚都睇到喺 South Philly 同 New Jersey 放嘅小形煙花﹐但係 Penn's Landing 放嘅就岩岩好睇唔到。只睇到光影知道放緊嘜顏色﹐聽到巨響知道放緊大定細﹐同見到煙﹐知道放嘅高度。但係就嘜都睇唔到。真無癮。最無癮係搭電梯落洗衣房時﹐岩岩同樓上樓下住 B﹐C﹐ D 向東面個三戶嘅客人撞個正著。佢哋重猛講有幾好睇﹐幾近﹐幾精彩。真係無癮加無癮。不過我諗起其實只要我一落樓下﹐喺噴水池個位就會睇到﹐不過就會無左居高嘅近在咫尺。唔緊要。煙花再靚﹐都唔會及我靚﹐我倒不如照多幾次鏡。