對不起, 出賣你

A子曾經為左教會﹐出賣我哋。比較崇高。但係我為左攞獎﹐出賣眾同事。難怪我以高票數奪得最有可能成為連環殺手獎。
對不起﹐頂頭 Tuong, 大老細阿 John, 重有 Harry, Carly, Jeremy, Shannon, 特別係 Marcin﹐一星期內將你放在桌子之上兩次。
上圖就係我喺公司聖誕裝飾設計嘅得獎作品。圖視只係背景。成個設計係一個戲院﹐做到好似一個舞臺咁﹐前面有聖誕樹同各人嘅相﹐後面就係呢個背景。有少少似 pop-up Christmas card 咁。 但係因為全個比較難影﹐所以只係比大家睇下製成品嘅一部份。
大老細係 Partridge, 為要擦鞋﹐緊係俾佢做 Neo。
Szkotak, 一次去 happy hour, 飲醉酒﹐第二日返嚟﹐塊面腫晒。俾人影左相重要笑足成個月﹐唔玩佢玩邊個?
頂頭﹐難為你哪﹐只因為你叫阿 Tuong, 咁岩音。
接待員小妹岩岩辭左職。咁岩一連兩任接待員都叫 Shannon, 大老細話不如再請一個叫 Shannon, 唔洗改口。
Carly﹐唔好彩嘅唔係你﹐只因你個名岩音﹐就難為你個 team 哪。