蛇

蛇呢種動物總俾人一份陰險邪惡嘅感覺。如蛇蠍心腸﹐蛇鼠一窩。聖經中﹐蛇更係魔鬼嘅一度化身。但係近日諗諗﹐原來我同蛇都拉上多重關係。。。
眾所週知﹐我有一個蛇吞象胃。我既永遠年齡﹐今年岩岩好屬蛇。以前曾經患過 Shingles (生蛇)。中學時學過跳蛇舞。蛇會喺氣溫轉換嘅季節脫皮﹐而我﹐每當天氣突然轉冷或轉熱時都會出現脫皮現象。腳部爆擦會用媽媽買嘅蛇油膏。喺香港時都幾鐘意食蛇羹。為人蛇 gwear﹐鐘意蛇王 。比人話醜樣﹐鐵定蛇咬都唔認。而最重要係我會比積積更早修練成蛇腰。