早睡早起心情好

因為青春爆棚之故﹐穩守肉瘤派掌門人已多年。近日可能天氣轉涼﹐ 暗瘡要冬眠﹐重以為可以卸任掌門人之位。點知一個唔留神飲食。 各位暗瘡大佬又嚟報到。
早前﹐ YY 喺 IM 以"我要愛護自己" 自稱。諗落﹐我都要善待自己。唔能夠再鐘意就唔食﹐興起就食好多﹐ 日日即食麵﹐ 餃子﹐15分鐘打發一餐。鐘意就唔瞓﹐無端端又猛咁瞓。有時偷懶唔洗面。皮膚龜裂都唔搽lotion。。。壞習慣多羅羅。。。 遲早要將天下第一美人讓位比積積。
尋晚﹐善待自己第二擊(第一擊係食當歸紅棗粥) ﹐早睡早起。雖然過左12點半至瞓﹐但係已算早。朝早可以安樂醒﹐唔洗趕貧能﹐重可以食早餐﹐同神傾翻陣計再返工。唔只精神好﹐心情都好好。
從今﹐真要善待自己。