鰂魚涌土著

近日發現香港電臺有亦舒小說廣播劇。岩晒喺公司做啲唔洗用腦嘅工序時聽。今早正喺度聽曼陀羅﹐聽到以下攪笑對白。奇怪﹐到底該書喺幾時出版架呢?

朗: 咁你哋結婚後住喺邊呀?
婀: 我哋喺鰂魚涌揾左間二千幾呎嘅單位。
朗: 嗄? 鰂魚涌? 嘜嘢地方嚟架? 我都未去過嘅?
木: 係呀。個度經常有紅番出現。動不動就會放毐箭﹐劫逢車。。。。
朗: 你哋喬家幾有錢架喎﹐無理由要個新抱住啲咁嘅地方架?
婀: 我已經好滿足架哪。
朗: 婀娜﹐妳真係好。
婀: 我對生活要求好低架咋。。。。

哈哈哈﹐喺鰂魚涌長大嘅我﹐突然變左做土著添。