Mystery Spot

上日同A子講開兩度遊歷嘅 Mystery Spot.
位於 Santa Cruz 嘅紅樹林區﹐有一離奇地點﹐因為地心吸力比正常為大﹐當你行近該處﹐身體會自然傾斜。上圖係其中一次拍到嘅照片。每個人都無法自控地打斜企。我嘗試過企直﹐反而差啲跌親。睇下個位蜘蛛女俠﹐上樓梯變得易如反掌。喺個度﹐圓球再唔係向下滾﹐而係向上滾。而當你企得越近 mystery spot 嘅圓心時﹐你會變得越矮。其中一個實驗係我同其中一位團友齊齊企出嚟。我先企近圓心﹐我大約到團友仔嘅膊頭﹐但當團友仔企近圓心時﹐我就變成到佢下巴對上小小。唔洗著3寸高跟鞋咁辛苦。
到依家都未有人能解釋到底係嘜嘢原因令該處出現異常萬有引力。據聞邊個研究出原因, mystery spot 將以該人命名。
大家到加州遊玩時﹐不防到該處一遊。但我先警告各位﹐你可能會出現暈玄或頭痛現象。所以千祈要帶定止痛藥以防萬一。