咁都得?

公司辦工大樓嘅洗手間門鎖系統認真有問題。正常係女厠門匙只可以開女厠門﹐ 男厠門匙只可以開男厠門。有嘜理由我地個層女厠門匙只可以開女厠門﹐但男厠門匙可以開男厠門又可以開女厠門架? 最離譜有次同事S去洗手間﹐然後跑返嚟講話有個男人喺女廁唔關門就開工。重要喺聽到同事S驚叫時﹐施施然講句"就快去完"。於是我哋成班女同事偷偷藏喺接待臺後。嘩﹐真係見個男人施施然喺女廁走出嚟。真係咁都得?
除左家居同傷殘人士洗手間外﹐我最唔買男女同廁嘅設計。以前喺俄大建築系三樓就有個 uni-sex 廁所。門口唔係寫 "women" 或 "men"﹐而係寫住 "people." 通常如無必要我都唔會用。因為有次用完一出嚟﹐見到我心儀嘅男同學正喺度洗緊手。佢重好有風度咁幫我攞抹手紙。真係尷尬死。
講開又講﹐前兩日同姊妹們講起呢款單向玻璃公共洗手間設計。我諗我都無嘜勇氣用喇。如果想感受一下類似嘅驚險﹐可以去 center city 間 Continental 嘅女廁睇睇。