蘋果

感謝神將妳同我做得咁似。妳嘅感受﹐妳嘅掙扎﹐妳嘅懷疑﹐我完全明白。感謝神﹐喺我嘗試為妳解答時亦再次提醒自己﹐注目耶穌。我亦從妳身上得到一啲啟迪。
我祈禱時把聲真係咁好聽? 咁就係咁話啦﹐我經常同妳一齊祈禱﹐任何時候。不過希望感動妳嘅唔係我把聲﹐而係神自己。求神有一日能全然觸動妳嘅心﹐讓妳相信接受佢。我信架。尋找嘅﹐一定會尋見。
個心重係好痛呀。但係﹐神﹐如果我今日嘅心痛﹐今日嘅領受﹐能夠他日成為人哋嘅鼓勵同祝福﹐我願意。神﹐用我﹐我願意。不過您知﹐我怕痛架。睇住我﹐咁上下﹐俾啲止痛丸﹐鎮定濟諸如此類過嚟啦。