隨思

今日有個大工程嘅 presentation。尋晚通宵達旦完成左啲 renderings。午間 present 完﹐雖然一切非常順利﹐但係卻突然覺得非常落寞。頂頭見我咁呆滯﹐買左個扭計骰俾我玩。嘩﹐扭計骰。好耐無見過呢個玩意哪。其實我從來都玩唔到﹐就算頂頭教左我個方法﹐我都係連一面都玩唔到。不過倒真係有少少令我覺得返翻去細細個嘅時光。
******************************************************
喺 Oregon 失蹤男子嘅屍體終於揾翻哪。可憐﹐一個開開心心嘅假期﹐只係轉錯一個路口﹐就從此天人分隔。困喺風雪中九日﹐雖然母女終於獲救並平安﹐但太太從此失去丈夫﹐而孩子失去爸爸。如果佢唔係咁英勇﹐一個人出去揾救星﹐就會喺三日前同太太女兒一齊獲救。其實咁嘅新聞﹐隨處可見﹐但我卻隨獲救嘅三母女一齊寢心﹐祈求佢嘅丈夫依然生還。
唔知點解﹐以前覺得呢個世界嘅新聞日日如是﹐唔太關心。但近日喺心裡面總會有一個小小嘅位置特別柔軟﹐見到傷心嘅人﹐立即想為佢哋禱告。
神啊﹐求您安慰佢哋。讓佢哋能夠認識您。
********************************************************
如果知道家中失火﹐我一定不顧一切衝入火場﹐將熟睡嘅家人救出。但係明知道永死火湖嘅可怕﹐點解我又無勇氣奮不顧身﹐將熟睡嘅家人救出?
神﹐求您加添我信心。
********************************************************
媽媽話佢身體慢慢開始復原﹐我亦安心一啲。但始終要等跟住落嚟嘅檢查結果先知到底身體裡面重有無癌細胞。因為未必能夠做第二個化療療程﹐所以我哋好擔心會復發。我只有將一切交喺神嘅手中。
********************************************************
依然想你。
********************************************************
神﹐喺呢個多事之秋﹐我需要您﹐我好需要您。