我的神

午間去銀行入錢﹐唔知點解今日個櫃元機攪唔惦﹐於是唯有用真人 teller。 排隊時正播緊 CNN 訪問一對失去獨子嘅父母。原來講緊喺伊拉克打仗軍人中有 五分一到四分一嘅人出現 post-traumatic stress disorder. 而被訪夫妻嘅 21 歲獨子因而自殺身亡。聽到實在令人難受。突然心裡好沉重。好似見到呢個世界好大好大﹐禾場好闊好闊﹐好多未及收割就枯死嘅田。好多好多工要做﹐但係死線越嚟越近。心裡重覆又重覆咁問﹐我嘅神﹐您要我為您做嘜嘢?
返公司途中﹐突然諗起今早收到同丈夫喺烏干達宣教嘅姊妹 L 嘅電郵。佢講述喺烏干達嘅工場。而當佢講完話好高興喺烏干達帶領中文團契之後﹐就發生好多事﹐家中失盜﹐丈夫患病﹐搬屋等煩事。當你要為主作工時﹐魔鬼就會攻擊。
一路諗﹐心頭就越重。諗起多年喺教會嘅事奉﹐多少係全心全意為神工作? 神﹐我可以為您做嘜嘢? 讓我從身邊做起。