病毒入侵 MSN

到底係我後知後覺﹐定係出現新病毒?
各位請小心!!!
剛剛同姊妹J喺MSN閒聊。佢問我有無見過佢嘅新髮型﹐然後有一個zip file。於是我以為佢想寄相比我睇。大概係我電腦嘅 anti-virus program 阻左佢一阻。見有個想開又開唔到嘅 screen。心知不妙。但當我立即停止工作時﹐部電腦已經凍結左。
當我再開機時﹐同學D就喺MSN問我點呀﹐新狗仔點呀。我以為佢對錯人講嘢。然後佢 copy and paste 我剛才嘅對白﹐deeb said: see my cute new puppy. 然後有一個 zip file。我立即叫佢停止 download。當我問姊妹J有無剪髮﹐佢話無。我就明白。有病毒會扮到好似你朋友同你講嘢﹐但只有收病毒嘅一方見到。對方係睇唔到嘅﹐所以大家唔知頭唔知路。收病毒嘅一方就會以為真係對方發嘅照片。
奇就奇在病毒好似識我哋一樣。因為同學D以前同我一齊都有養狗仔。所以如果"我"叫佢睇我嘅狗仔相﹐佢一定不儒有詐。而姊妹J會叫我睇佢嘅新髮型又係絕對平常事。不過可能都係 random 嘅。你話如果 BL 叫我睇佢嘅狗仔﹐又或者亞弟兄G叫我睇佢嘅新髮型﹐我就一定知道有問題。