Reunion

聽聞好多人用 facebook。我都有﹐之不過從來唔用。只係當初喜訊嘅演奏邀請﹐於是開左作回覆。近日﹐紛紛有朋友發現我有個荒廢嘅 facebook, 於是亦紛紛加我入佢哋個 friend list。其實我都好出奇﹐到底佢哋喺邊度見到我有 facebook 架? 今日又收到邀請。。。嘩﹐嘩﹐嘩。。。係韋迪呀!!! 當年 UPenn 同學。韋迪喺 Wharton﹐我喺 architecture school, 加埋讀工程嘅 B弟兄。我們仨﹐因為同年入 Upenn, 同時間去揚恩。所以三個成日一齊出遊。韋迪開車﹐我叫佢司機大佬﹐佢叫我大小姐。後來韋迪同 B弟兄返港﹐我哋就失左聯絡。差唔多五年哪。真係估唔到。睇怕又係時候組織另一個 Grace reunion 哪。