串串貢與行山樂

唔知係唔係氣溫驟降﹐突然全體發病。我教練又病﹐威仔嘅教練又病﹐S 又病﹐今日姊妹 W 又病。真係要小心身體。
星期三﹐因為教練病左﹐自己練習。後來 S 同 E 上完堂話一齊去食串燒。本來我唔想去﹐因為約左做 massage﹐唔想佢哋等我。 最後不敵誘惑﹐終於都去左。串串貢﹐位於天后﹐店小小﹐但著實不俗。我哋都好似叫唔少嘢﹐但唔知點解食串燒食唔飽。於是行去銅鑼灣同 ST 會合後再食過。唔知係唔係大量運動後又再做完 massage, 我同 E 兩個合作移平一整鍋米粉後重想食甜品。於是我哋四個食唔肥嘅女人又去左食雙皮奶。
因為 S 同 ST 都係 pilates 教練﹐非常注重體能﹐而 E 更加係全職做運動嘅幸福小女人﹐所以一講起行山大家興趣高脹。講好要一齊去行山。無獨有偶﹐無我咁靚而聽日又會老我一歲嘅愛華斯上星期話要揾日約埋我去行山﹐然後喺大自然中談談人生意義﹐信仰與目標。後來星期日﹐柯傳道喺講壇上大談佢嘅野外訓練經歷﹐並囑我哋嘗嘗行山之樂。尋日姊妹 C (姊妹 C係喺北宣認識嘅姊妹﹐所以應該無聽過柯傳道當日嘅講道) 提意我去行山﹐可以行榕樹灣到索古灣一段﹐緣途有一間咖啡書室並其他小店。莫非係嘜嘢特別異象? 兩星期內四次提到行山樂。
喺大自然中感受創造嘅奇妙﹐暢談人生﹐著實相當賞心。下星期回暖少許﹐襯我份 D.C. project on hold 期間﹐或者係好時候。