Marion Crepes

(照片由網上偷取。騎騎騎)

尋日同姊妹I 去左銅鑼灣嘅 Marion Crepes 食 crepes。原來好多人都慕名而來﹐我哋由排隊到攞到 crepes﹐大概都等左有廾分鐘到半個鐘 (無睇錶﹐只係感覺上)。我叫左個咖哩燒雞忌廉﹐姊妹I 叫左個唔知嘜嘜燒雞忌廉芝士。結果唔知係佢哋攪錯定係我嘅味覺出錯﹐兩份好似都係一樣味道。不過整體算高分。份量大﹐味道不俗﹐價錢合理。除左上次 Stitch 生日成班女人去左食 crepes 試過鹹嘅 crepes 外﹐我一般都係食甜嘅。燒雞忌廉 crepe, 有少少似食 wrap 嘅感覺﹐但 crepe 皮本身嘅蛋香﹐令味道比 wrap 更佳。下次會再去試甜嘅 crepes。不竟我都係比較鐘意甜嘅。據我所知﹐Marion Crepes 抵港後﹐開左三間分店﹐一間喺銅鑼灣崇光隔離﹐一間喺沙田新城市廣場﹐重有一間喺邊就唔係太清楚。

食完 crepes﹐行完天道書樓﹐坐完 starbucks﹐又去食日本菜。又食又傾﹐愉快嘅半日遊。