團年飯

承蒙姊妹I 邀請﹐今晚去左灣浸團契食團年飯。一個反傳統﹐食肉醬意粉﹐薯條﹐沙律﹐串燒﹐pizza 嘅團年飯。我成晚差唔多無停過口講嘢﹐聲都沙埋。大概係我返左香港咁耐﹐第一間教會令我第一次去就表露多嘴本色。感覺好似返左 GF 同 EF 咁﹐頗有親切感。弟兄姊妹叫我唔好介意團友們玩得咁癲。我當然唔介意﹐事關我隨時癲過佢哋。不過初次見面﹐ 點都要有少少矜持。 呵呵呵。
盡管如此﹐我依然會繼續返恩福團契。我唔知點解﹐只係覺得我應該如此。求神俾我清盺指引。帶領我走每一步。突然記起當初選擇 grad. school﹐亦曾處兩難之間。當時姊妹V 對我講嘅一翻話言猶在耳。佢話神旨意嘅路唔係限死一條﹐只要係合乎神心意嘅﹐佢會讓我哋自由選擇。想想父親會點樣同女兒講? 女呀女﹐兩間學校都好﹐你去邊間爸爸都支持你。如今係唔係都一樣? 都係神嘅教會﹐神容讓我自由選擇? 又或者神已有特定旨意? 讓我多喺禱告中尋求引領。