保安鬆懈

今日返工時換一個手袋。點知喺收拾時先發現原來尋日手袋裡一直放住一把瑞士軍刀。本來學習 MacGyver 精神﹐隨身攜帶瑞士軍刀以備不時之需無甚問題。但問題出喺尋日我兩度出入機場禁區﹐都不曾被保安查出。雖然我係用職員通道﹐但法律上﹐乘客唔能夠帶入禁區嘅物件﹐職員同樣唔能夠帶入禁區。況且職員保安通道就喺普通保安區嘅最邊一行﹐繁忙時間會開埋俾乘客用﹐因此並無他別。然而我居然神不知鬼不覺 (連我自己都不知不覺) 將軍刀兩次帶入禁區而不被發現。開始有少少懷疑香港國際機場嘅保安是否嚴密。