又一推介

某日喺 King Of Prussia Mall 以高速向目標商店進發時﹐突然被一攤位男子折停﹐第一句就話 "can I take a look at your hands?" 話時話﹐自問我嘅手係身體多個唔見得人嘅部位之一。因為我嘅手指經常性脫皮﹐請教過唔同嘅醫師﹐用過唔同嘅手部護理產品﹐均告無效。連蛇油膏都攪佢唔掂。所以當時諗辜且睇下攤位男子有嘜高見。佢介紹左好幾種唔同嘅產品都被我惋拒。但其中佢示範過嘅 nail buffer 就令我不能抗拒。其實好姊妹以前都講過有磨指甲呢家子嘢。但可憐姊妹當時被眾人取笑﹐包括我在內﹐含冤莫白。當時豎諗唔到指甲可以由黯啞磨至有光澤。今日帶左個 buffer 返團契﹐姊妹們均覺有趣﹐買得過。真係要諗下 Angie 嘅提議﹐作其傳銷商。又或者係教會大堂擺個檔攤﹐收益一律撥捐建堂之用。