"麥基華"之"開鎖"

一個考智考力考結構嘅難題﹐由緊張大師一個唔小心將小會議室嘅玻璃門反鎖開始。。。。
無人有鎖匙﹐管理處又無人接電話。。。。
從研究另一隻門中﹐我哋發現原來係門側嘅按鈕被意外按下﹐但門實際無上鎖, 雖然從外面門把無法拉下﹐但只要從裡面將門把向下拉﹐就好似如常由裡面走出嚟﹐如常拉下門把﹐拉開門一樣。所唔同嘅係裡面無人。。。。
於是我哋制作出一個3呎長鐵絲工具﹐喺一端形成一個圈﹐另一端則抅成一個扶把。因為我雙手最細﹐所以由我將鐵絲工具由門縫伸入﹐再利用扶把控制令其直立﹐然後將另一端嘅圈套入門把﹐向下拉﹐形成開門動作﹐再將門推開。理論好簡單﹐但係做起上嚟一啲都唔易。因為一來鐵絲太長﹐二來我一半伸左入門縫嘅手﹐活動困難。所以其實非常難隨心所欲控制鐵絲工具位置。有好幾次我已經去到好近﹐但就係無法將圈套入門把。旁邊眾同事肉緊非常﹐每次去到非常近時各位同我一樣氣都唔敢透。但係終於唔成功。有一個同事最後發現原來係鐵絲工具嘅力學結構有問題。大家唔信佢一雙大手可以伸過門縫。但係佢將工具改良後﹐努力嘗試﹐最終以3分鐘時間將圈套上﹐門把拉下﹐開門。搏嚟掌聲一場。
哩個故事教訓我哋要好好溫習力學結構哪。