坐無虛席

移居後嘅第一個星期日﹐某人一大早就興高彩烈咁去到新居附近嘅教會做禮拜。見好多人都未到﹐於是揀左個頭位﹐坐低祈禱。
祈祈下﹐有人拍拍佢膊頭話﹐"唔好意思, 呢個位我坐左十年架啦﹐麻煩你揾過另一個位呀。" 阿某人於是連聲道歉。揾到另一個位﹐坐低又祈禱。
祈祈下﹐又有人拍拍佢膊頭話﹐"阿呢位, 你坐左我坐開十五年嘅位呀﹐麻煩你揾過另一個位呀。"
如是者某人最終一個位都揾唔到。傷心得際﹐佢返到屋企喊晒咁祈禱話 : "神呀﹐我只係想揾個位坐低敬拜您啫﹐點解咁都咁難嘅?"
突然﹐某人聽到神安慰佢咁話 : "某人﹐我知你心意﹐你唔好咁傷心。唔好話你呀﹐連我喺個度都無位坐呀。"