有感

多謝你﹐TaTa﹐雖然我知你都無嘜可能上嚟﹐上到嚟都睇唔明中文﹐但係都好想喺度多謝你。從來都唔知原來我喺你心目中有咁高評價﹐咁有能力。我諗你都無諗過我聽到你講嘅話會當眾落淚咁失禮。承言近日比較脆弱﹐一踫就碎。
我係一個有過去的女人﹐除左堅信我係天下第一美人之外﹐其實我一直都非常自卑﹐極缺安全感。平日好好地地﹐尚算正常。但係一旦賀爾蒙失常﹐腦細胞唔平衡或思覺失調時﹐就會自卑感氾濫﹐然後將自憐串成一條﹐時時掛喺頸上當桎梏﹐因此唔相信自己值得人愛﹐更唔敢奓想會有人真心愛我。有時會變得不可理譽﹐被我嚇親或激親嘅少數民眾﹐對不起﹐請原諒我。
重有﹐唔好意思﹐穌哥﹐睇唔起自己即係睇唔起你嘅創造﹐但知易行難。
不過亦要多謝各位喺我易感之時電郵﹐留言支持。你哋嘅鼓勵可以力挽狂瀾。多謝你哋。
失蹤幾日﹐面壁思過。如果再見大家時﹐無之前咁靚﹐請唔好見怪﹐因為近排暴雨成災﹐缺堤水浸。不過亞積積你唔洗開心住﹐因為我係永遠嘅天下第一美人。