噩夢

尋晚我發左個噩夢。 夢見好多好多人﹐有教會嘅弟兄姊妹﹐有公司同事﹐有親人﹐甚至餐廳老闆娘﹐雜貨店侍仔﹐完全唔識﹐未見過嘅護士﹐等等等等。。。。好多人﹐但係佢哋每個都離我而去﹐將我留喺孤獨中。有移情別戀嘅﹐有背向我嘅﹐有對我視而不見﹐聽而不聞嘅。。。。雖然我仍喺人群中﹐但卻係孤孤獨獨嘅一個。我好似存在﹐又好似唔係。無論我點大叫﹐點發表意見﹐聲音都好似落喺黑洞裡﹐全歸無有。感覺好可怕。而當我醒嘅時候﹐發現我居然係度流緊眼淚。居然喺夢裡面都可以喊腫雙眼。