目中無人

同事們講起尋晚嘅歡樂時光。因為係為同事S回歸費城而設﹐所以我破例參與。正當同事A講佢尋晚幾點走時﹐我奇問﹐"嘜你喺度咩?" 同事A立即抗義﹐事關佢話佢同我打招呼﹐我甚至有同佢講嘢。但係苦苦思量後﹐依然印像全無。而呢件只係尋晚發生嘅事﹐我已經記憶盡消。
其實相同事件不斷重演。弟兄A走左無耐﹐姊妹T有一排無嚟﹐當BL提到佢哋時﹐我第一反應係邊個嚟架? 要到好幾秒後先有記憶。
同弟兄R喺詩班事奉可能差唔多有半年 (話時話佢幾時開始喺詩班出現﹐我一啲印像都無) ﹐甚至合作過獨唱部份﹐但我都係兩個多月前先明意識 (之前係潛意識) 發現有佢存在。 而前排為姊妹H﹐弟兄T預備禮物而翻舊相之際先發現原來弟兄R喺GF已經出現左兩年之久。
更離譜係我差啲連歌迷遍及多個國家﹐包括齊齊哈爾同亞菜拜疆嘅藍奕棠﹐我都可以突然短路唔記得佢係邊個。
蜘蛛積﹐可知十年分散﹐對你依然深深記念﹐你話你幾特別。
各位 觀眾﹐同其他真光珠﹐你哋都唔洗擔心﹐我一定會記得你哋架。