十年

剛剛收到UO舊同學嘅婚訊電郵。睇住佢哋兩個相識而至相戀。後來分隔兩地。再後來﹐亦唔敢問到底佢哋倆是合是分。然後﹐收到喜訊﹐謂希望我哋一班UO弟兄姊妹能夠見證佢哋十年嘅愛情。
十年﹐一個 decade﹐有多長嘅日子。
十年﹐可以讓感情褪色﹐但亦可以讓之更堅固。
正如異地嘅相思﹐可以丟淡﹐但亦可以喺考驗中增長。
兩個考驗﹐佢哋都通過。或者喺前面重有更漫長嘅路要走。但二人同心去走嘅路﹐必定有花香常漫。
非常替你哋高興。在此﹐擺上我嘅祝福。希望你倆嘅愛情能見證神嘅愛。