無聊夢境

同阿板講開我今朝發嘅無聊夢。大概新年之故﹐陣容頂盛。似似哋無記拍個啲賀年全體出動但係又無嘜劇情嘅電視劇。
話說我本來係喺中國某山明水秀嘅地方賣古董花瓶。夢中我正同緊個客講緊嘢﹐但口齒唔夠靈利﹐我一直話等我大姐講﹐等我大姐講。但我大姐一直無出場。
鏡頭一轉﹐喺日落之時﹐見公路上中共軍人正運載火箭炮。後面有救護車。
下一幕﹐我喺醫院某大房裡面。有好多豐收人 chit chert 咁轉﹐唔記得邊幾個。最記得我問阿魚目點申請做院牧。我當時已通過一眾考試。突然靚靚出場﹐叫我加油﹐話我一定好快就攞到建築師牌。但係我喺夢中係想考院牧牌喎。嘜院牧都要考牌架咩?
然後我又同埋幾個教會人去到某住宅拜年﹐一開門見到假賈思樂。佢一見到我哋﹐立時開心到跪低。佢後面重有幾個豐收弟兄團﹐但印像膜糊。後來發現假賈思樂無故刪改我某個 photoshop rendering。明明本來上面有盤水仙﹐佢將之刪除左。
無哪哪我就去左市場買菜。買左好多魚蛋同幾張唔知嘜嘢書籤。個收銀猛同我講潮州話﹐我聽極都聽唔明。突然喺灣浸認識嘅姊妹I﹐快要結婚嘅姊妹V同另一位唔記得邊個喺我後面出現。未嚟得及打招呼﹐我又翻左去醫院。阿魚目攪左咁耐都未講到俾我知點申請做院牧。 (唔記得一提﹐喺夢裡我清楚知道魚目係魚目﹐但係喺夢中佢係姓王架。)
然後我就醒左哪。
諗下諗下﹐其實同我近日讀緊但以理書有無關呢?