嘆息

給我上過一堂嘅教練J (亦即我以前講全場最受小朋友歡迎嘅教練) 已經無上班一個多月。大家都猜測到底發生何事。我教練同教練J 最熟﹐但一直守口如瓶。直到今個星期二﹐教練先同我約莫輕輕帶過。今日上堂﹐教練告之教練J 嘅事件終於曝光。回家時﹐立即買份報紙睇。睇完﹐同教練傾左一陣。再同冰友 E 傾過﹐我哋都好難過。作為一位教練﹐教練J 誠言係一位有理想﹐又疼小朋友嘅好教練。可惜今次事故﹐可謂前途毀於一旦。連非基督徒嘅我教練同冰友 E﹐冰友 S 都叫我為教練J 祈禱。我當然會多多為佢祈禱。到底事件最後如何﹐只有交神手中。