烏干達 Mission Possible 之緣起有因

第一次聽聞 Watoto 一名要追朔至 2006 年春。當時喺公司聽基督教電臺一訪問節目偶爾得聞此名﹐覺得頗有意思﹐於是上網睇睇﹐發現 Watoto Choir 會於當年冬到訪費城。本來一心一意想去聽﹐但到冬天﹐太多事情發生﹐已忘卻此事。當時絕對想唔到有一日我會同 Watoto 拉上關係。
至今年四月﹐Watoto 到訪香江。本來我混不知情﹐但多謝小組組長 Joanne 留票邀請﹐我哋小組一干人等得出席 Watoto Choir 嘅演出。當日一班烏干達兒童嘅表演同分享﹐令我一度落淚。完場﹐Watoto HK 負責人分享本年夏會有烏干達建築團。當時我覺得我應該參與。但我非常怕。我甚至唔覺得我"想"參與﹐我只係有一種感動覺得我"應該"去。於是回家途中我一路禱告﹐求神給予清晰指引。但心裡其實一直拉鋸。天! 非洲?!我一個弱女子要落手落腳起屋? 怕晒如我要面對赤度氣候? 返家﹐上網﹐未能揾到進一步資料。只揾到 Watoto HK 負責人嘅電郵。於是將撰寫好嘅電郵存稿﹐然後同神講我會禱告兩日﹐兩日後我重有感動就會發出電郵。結果幾日後﹐雖然感動依舊﹐但害怕嘅心情凌架於上﹐最終將電郵刪除。但心裡一直忐忑不安﹐覺得自己消滅左聖靈嘅感動。後聽聞有巴西短宣﹐心想去巴西一樣好﹐有熟識嘅人﹐放心得多。可惜又因各種因素﹐未能成行。就喺決定唔去巴西嘅第二晚﹐小組於團契後去飲嘢。 小聚中 Joanne 分享佢想參予烏干達建築團嘅意願。於是我分享我嘅掙扎。我提到喺美國認識一對於烏干達宣教嘅夫婦﹐Joanne 亦提到早前到恩福分享烏干達宣教經歷而認識嘅一對夫婦。結果原來我哋講緊同一對夫婦﹐Lhaki 同 Achim。於是 Joanne 叫我認真為此禱告。當時我心裡又 50, 50 地打轉。翌日﹐Joanne 至電﹐因為我同 Lhaki 較熟﹐而當日星期六, Joanne 未會返教會寄電郵﹐所以希望我電郵問 Lhaki 干若問題。後來發現原來 Lhaki 同 Achim 係參加 Kampala Pentecostal Church 嘅聚會﹐而 KPC 嘅創辦人亦正正就係 Watoto 嘅創辦人。承蒙 Lhaki 幫助聯絡﹐於四日內我哋互通不下十多個電郵。我亦請大家為我代禱。一星期後﹐我不但決定參加烏干達 global build team﹐甚至由最初嘅戰戰兢兢變為十分興奮期待。
接下嚟嘅兩個月﹐進行一切準備工夫﹐包捨多支防疫注射﹐買物資﹐文件部份﹐與當地聯絡細節﹐等等。
兩個月內﹐偶爾都會有擔心﹐但我總覺得今次旅程係神感動我去﹐就算喺我消滅聖靈感動後﹐神仍讓火苗再起。既然係神要我去﹐我相信佢必定會看顧。