累

又一週。從3月9日第一日上班到今日已經連續上班12天。聽日週六終於可以放假﹐呢兩日真要好好休息﹐星期一再搏殺。
先前多謝大家讚賞我回歸後皮膚變好﹐但短短12日就打回原形。今晚團契﹐弟兄姊妹乍見我嘅第一個反應就係 : 嘩﹐你吸完白粉呀?
無計﹐今週除左今晚之外﹐夜夜生輝。星期一放 2:45am, 星期二 2:15am, 星期三 3:45am, 星期四 12:45am (有得一點前放工﹐突然覺得好早)。今晚唔係返團契﹐又唔知做到幾時。事關 7 點半走時全 team 人重未走﹐好彩 阿project in charge 話俾我走﹐唔係團契都無得翻。
年輕時重可以直踩﹐如今真真覺得幾辛苦。就快會靈魂出竅﹐坐喺隔離望住自己畫圖。希望如此工作情況只屬暫時。