師拉化

剛剛講完輕熟女﹐即刻又講已經漸趨花師拉嘅言談﹐真係有少少自刮嘴巴。不過只係證明我夠多元化啫。嘩哈哈。再講﹐香港嘅菜檔阿嬸真係好好人架。

菜嬸: 靚女﹐買啲嘜呀?
菜花: 今日嘜嘢菜靚呀?
菜嬸: 菜心呀﹐菜心好靚呀。
菜花: 尋晚食左哪。Errr.... 俾斤通菜我呀。
菜嬸: 俾夠四蚊你啦。
菜花: 好呀。搭多 Paul Chung 呀。唔該。
菜嬸: 無問題。有無帶遮呀? 出面落雨喎。
菜花: 無呀。
菜嬸: 我借把遮你哩?
菜花: 唔洗哪﹐事頭婆。我住好近架咋。跑起兩步就到哪。
(結果係淋到好似剛剛喺水塘鎦翻出嚟一樣)

豬肉榮: 阿妹﹐要啲嘜呀?
菜花: 唔該俾個豬肚我呀。
豬肉榮: 好呀。哪﹐呢個豬肚夠晒大哪。收你十七蚊哪。
菜花: 十七? 上次你老婆收我十六蚊咋喎。
豬肉榮: 好啦﹐好啦﹐十六啦﹐十六啦。

呢個就係我嘅 cilailization 過程。