烏干達 Mission Possible 之 Lhaki 的一天 (下)

探訪完畢﹐買菜去。非洲盛產綠香蕉 (圖一)。同普通香蕉唔同嘅係綠香蕉唔可以生食。所以會先煮爛成為香蕉茸﹐名為 Matooke。就好似中國人食飯一樣﹐Matooke 乃係烏干達人嘅主糧之一。喺烏干達最難食到嘅係魚﹐其他海鮮更加免提。喺餐廳食海鮮﹐不但唔新鮮﹐而且往往比其餘肉類貴近一倍。而菜市場只有一種魚供選擇 (圖二)。買完菜就去小巴總站搭車翻 Lhaki 同 Achim 嘅屋企 (由 MAF 分派嘅住屋)。嘩﹐茫茫車海﹐好彩 Lhaki 極之熟路﹐帶我哋穿插車海中﹐揾到去佢哋屋企路線嘅小巴。回歸﹐煮飯。Lhaki 嘅中國菜手藝﹐正。談談天﹐說說地﹐高高興興﹐結朿體驗 Lhaki 的一天。