聖誕系列之<<又到聖誕>>

踏入十二月﹐一早落樓﹐嚇我一跳。樓下大堂喺一夜之間變成歡樂天地。濃厚嘅聖誕氣氛銳不可擋。接踵而嚟係公司每年嘅指定動作﹔一干同事馬不停蹄咁簽完500張聖誕卡﹐好讓接待員早日寄出至各大clients, brokers, contractors, building managers, consultants, reps...... 等等等等。然後教會開始出現火樹銀花。當然詩班嘅聖誕歌亦練習得如火如荼。收到第一張聖誕卡﹐然後第一份禮物﹐一下子從各處送到公司嘅巧克力堆得水泄不通。。。。每年聖誕就係咁展開敘幕。。。。
普天同慶嘅大日子﹐願意我哋有伯利恆草原上牧羊人乍聞喜訊嘅大喜樂﹐東方博士專一跟隨景星嘅大信心。。。。至於亦係不可劃缺嘅大出血﹐大鑊飯﹐大昏迷﹐各式其色﹐願意看官盡情享受之餘﹐亦毋忘一切乃出於神嘅大恩典。